| Profil von wingwing~New life in Toroto~FotosBlogListen |  Extras  Hilfe |
|
~New life in Toroto~04 Januar 白色圣诞好耐无update啦~~哈哈!! Happy New Year ar!!!!
新年周围都大减价啊!!不过好多都只系50% off咋,中未到疯狂劲减既...
但我都系忍唔住手,买左好多野添,收获都几满意甘啦~咔咔!
讲返上个圣诞我地去左Montreal,Ottawa & Quebec度玩啊,原来果边D雪厚过Toronto好多咖!
D湖水都结晒冰,周围都白雪雪甘,果度既冬天真系好靓啊!
              05 November Happy Halloween终于感受到呢边Halloween扮鬼扮马既气氛la~
超级怕鬼既我,比Kenny拉左去玩左10个鬼屋...叫到我声都沙埋~
入面全部都系真人扮鬼,D鬼中要逼我望住距say hello...救命!
唉...边个话Halloween一定要玩鬼屋咖!
Halloween果晚系Jenny屋企食左个龙虾大餐,劲好味啊! Hehee...果然系大厨级水平喔!
之后,当然少不了的就是开P啦~嘻
        24 Oktober Wonderland !个个礼拜都话去Wonderland，但都去唔成喔！
上个Weekend超好天，终于去得成啦！
好彩果日劲少人，都唔使点排队，中比我地霸晒玩第一排添，haha~ 但系，D机动游戏激到颠左~10样有8样都系过山车！！
Er...我只能说，简直就系恐怖~~我中要大大胆甘学人玩跳楼机...
唉，玩完都中未知发生咩事，落返来个人就吽左系度罗...我真的怕它...
临走前，fanny系都要话买fanel cake食，
系出面食唔到噶，因为系Wonderland特产喔，
个cake有D系油炸鬼上面就甘摆个strawberry雪糕，卖相麻麻地，
不过有好多人排队买喔，甘我都买左个试吓，
哇！D雪糕捞埋个cake一齐食，原来好好味咖！！
我捻返广州开返档一定超好卖啊~~唔错唔错~~
      骑马仔~上个weekend我地同好耐无见既珊珊&距bf去左Toronto北部既Oshawa骑马!
我地特登提前一日打电话BOOK定四只马噶啦!!
点知...我地第二日一早都起唔到身lor, mo左一轮之后终于出发啦!
去到果度都成4点几,迟晒大到添,D马出晒街啦~~~哈
我地唯有慢慢等D马返来啦,等紧既同时,我地系呢附近周围逛...
发现有个游艇会D船劲靓,我地中偷偷地入左人地只船度玩添~嘻嘻!
D马返来啦,终于有得骑马啦!!so exciting^o^
等个教练讲解完D安全事项之后,我地就各自拣返只靓马,准备出发...GO!
好紧张啊!!不过好彩我只马Amy都几好控制,叫距左就左,右就右.
kenny只马Joker就carzy lo,系甘跟实教练只马,最后激嬲埋教练只马,
一教伸左落阿Joker度,吓到kenny差D要跳马甘制,好惊险啊~~
吓到我一额汗...时间关系,我地比D马dun左一轮返返马房果阵,个天已经黑了...
原来骑马真系好累咖!!只脚劲酸啊~~不过真系好开心啊!!哈!
骑完马,我地就即刻揸车飞去附近(一个钟车程)既赌场食生蚝&蟹脚任食puffet...
P.S好饱啊!!近期唔好再比我见到生蚝啊!!
          12 Oktober Niagara Falls前日Jenny同阿辉带左我地去世界闻名既Niagara Falls玩左一日~~~
距地两公婆车我地去到附近就drop低我地,跟住就揸车过左美国Shopping喔!!无我份...
因为系Niagara过左一座桥就到美国啦!好近咖咋~~
最衰我过唔到去啦,唯有同Kenny系Niagara度周围逛...
讲返个Falls真系好壮观啊!!条街度都有好多得意野睇...
所以我同Kenny两只傻野系甘影左劲多相!哈哈~~
                    系时候写返D野啦！见到个Blog甘冷清，都应该写吓D野啦！鬼叫我之前懒咩，依家呢个钟数，我捻你地中训紧觉，无人陪我吹水添！Miss u guys all~!!
|
||||
|
|
